Tryggingar á ferðalagi - Sjóvá - Gerum tryggingar betri

Tryggingar á ferðalögum

Það skiptir miklu máli að vera rétt tryggður á ferðalögum erlendis. Þannig getum við áhyggjulaus notið þess sem áfangastaðurinn hefur upp á að bjóða, vitandi að við erum með góða vernd ef eitthvað kemur upp á. Það er sérstaklega mikilvægt að huga að tryggingaverndinni fyrir ferðalög utan Evrópu, þar sem Evrópska sjúkratryggingakortið gildir ekki.

Ferðavernd

Ferðavernd er valkvæð ferðatrygging sem hægt er að láta fylgja fjölskyldutryggingu okkar. Margir eru einnig með ferðatryggingar í gegnum kreditkort sín og er mikilvægt að kynna sér vel hvaða tryggingar eru í kortinu áður en ferðin er bókuð.

Við mælum með að þú hafir samband við ráðgjafa okkar til að fara yfir ferðatryggingarnar sem þú ert með til að fullvíst sé að þær veiti góða vernd á ferðalaginu sem er framundan.

Evrópska sjúkratryggingakortið

Þeir sem ferðast til Evrópu ættu alltaf að hafa Evrópska sjúkratryggingakortið með í för en kortið er hægt að nota ef korthafi veikist eða slasast í öðru EES ríki.

Kortið gildir eingöngu hjá þjónustuaðilum innan hins opinbera sjúkratryggingakerfis þeirra landa sem eru aðilar að EES samningnum.

Sækja um evrópska sjúkratryggingakortið á vef Sjúkratrygginga Íslands.

Nánar um kortið á vef SÍ.

SOS-Kortið | Alvarleg veikindi eða slys á ferðalagi

Ef um alvarleg veikindi eða slys er að ræða, ráðleggjum við þér að hafa samband beint við SOS INTERNATIONAL neyðarþjónustu í síma 0045 70 10 50 50.

Þjónusta SOS INTERNATIONAL felst meðal annars í því að veita ráðgjöf, eiga samskipti við sjúkrastofnanir og aðstandendur auk þess að aðstoða við heimflutning ef þess gerist þörf.

SOS INTERNATIONAL

Sími: 0045 70 10 50 50
Netfang: sos@sos.dk
Veffang: www.sos.dk

Við mælum með því að viðskiptavinir hafi símanúmer SOS vistað í símann hjá sér 0045 70 10 5050. Þá er einnig hægt að hafa samband við okkur í síma 00354 440 2000 á skrifstofutíma Sjóvár.

Ná í staðfestingu á SOS ferðavernd

Ferðalög til annarra landa

Loka ítarefni

Eitt af því sem þarf að huga að þegar farið er í ferðalög til annarra landa eru tryggingar. Í flestum tilfellum erum við tryggð á ferðalögum.

Ef ferð er greidd með kreditkorti þá fylgir ferðatrygging með flestum kortum. Mikilvægt er að athuga hvort að ferðatryggingar eru innifaldar í þínu kreditkorti.
Ef þú hefur keypt Ferðavernd sem viðbót við Fjölskylduvernd
Frítímaslysatryggingin sem er í Fjölskylduvernd 2 og 3 gildir á ferðalögum erlendis
Ábyrgðartryggingin í Fjölskylduvernd gildir á ferðalögum erlendis
Sjúkratryggingar Íslands tryggja okkur fyrir sjúkrakostnaði í löndum Evrópska efnahagssvæðisins
Forfallatryggingu er hægt að kaupa hjá flestum flugfélögum og ferðaskrifstofum um leið og gengið er frá kaupum á ferð.

Þótt við séum tryggð í mörgum tilfellum þarf samt að huga að tryggingum áður en farið er í ferðalag.

Kreditkortatryggingar eru mismunandi:

Fjárhæðir eru mismunandi eftir tegundum korta
Ferðir vegna vinnu eru aðeins innifaldar í sumum tegundum korta
Oft þarf að greiða hluta ferðakostnaðar með kreditkorti til að kortatryggingin gildi
Það er misjafnt eftir tegundum korta hve lengi kortatryggingin gildir á ferðalagi

Ferðavernd sem keypt er sem viðbót Fjölskylduvernd:

Gildir aðeins fyrir vinnu sem tengist viðskiptum og ráðstefnum
Gildir að hámarki í ferðalagi í 92 daga eftir brottför frá Íslandi

Íþróttaferðir hvort sem er vegna æfinga og keppni hjá þeim sem eru 16 ára og eldri eru ekki innifaldar í:

Kreditkortatryggingum
Ferðavernd sem keypt er sem viðbót við Fjölskylduvernd

Köfun, fjallaklifur, bjargsig og teygjustökk eru dæmi um iðju sem ekki er innifalin í:

Kreditkortatryggingum
Ferðavernd sem keypt er sem viðbót við Fjölskylduverndinni

Við bjóðum upp á ferðatryggingar fyrir þá sem ætla gera eitthvað sem ekki fellur undir almenna ferðatryggingu, til dæmis fyrir köfun og keppni í íþróttum.

Einnig er hægt að kaupa hjá okkur ferðatryggingu sem tekur við þegar ferðatíminn er orðinn lengri en gildistími kreditkortatryggingarinnar eða Ferðaverndar sem bætt er við Fjölskylduvernd.

Vinna erlendis

Loka ítarefni

Þeir sem eru að fara að vinna erlendis þurfa að huga að sínum tryggingum. Huga þarf að því:

Hvaða tryggingar fylgja frá vinnuveitanda
Hve lengi er unnið erlendis – helst réttur samkvæmt almannatryggingum hér á landi?
Hvert er farið - nýtur sá sem fer til starfa erlendis réttinda samkvæmt reglum Evrópska efnahagssvæðisins?
Hvort lögheimili verður breytt og hvort það hefur áhrif á réttindi hér á landi
Hvort sýna þarf fram á tryggingar vegna vegabréfsáritunar

Nám erlendis

Loka ítarefni

Þeir sem eru að fara til náms erlendis þurfa að huga að því:

Hvort skólinn er með tryggingar og hvort skólinn setur einhverjar lágmarkskröfur um tryggingar. Í þeim tilfellum er oft besta lausnin að kaupa tryggingu hjá skólanum.
Hve lengi námið stendur - helst réttur samkvæmt almannatryggingum hér á landi?
Hvert er farið - nýtur sá sem fer til náms erlendis réttinda samkvæmt reglum Evrópska efnahagssvæðisins?
Hvort lögheimili verður breytt og hvort það hefur áhrif á réttindi hér á landi

Tengdar síður

Ferðatryggingar

Ef þú vilt vera tryggður fyrir áföllum sem kunna að koma upp á ferðalaginu þá bjóðum við upp á ferðasjúkra- og ferðarofstryggingu, ferðaslysatryggingu og farangurstryggingu.

Sjá nánar

Ferðalög til annarra landa

Vinna er­lendis

Nám er­lendis

Vinsælar leitir

Fá tilboð í tryggingar

Tilkynna tjón

Hafðu samband

Gagnvirkar leiðir til að hafa samband

Mitt Sjóvá

Vinna erlendis

Nám erlendis