Líftrygging - Sjóvá - Gerum tryggingar betri

Hverjir fá bæturnar greiddar?

Þú ákveður hverjir skulu eiga rétt á bótum úr líftryggingunni þinni og gengur frá því þegar þú sækir um hana. Hægt er að velja nokkra möguleika á umsókn um líftryggingu:

– Ekki tilnefndur rétthafi: Það þýðir að maki þinn fær allar bæturnar greiddar. En athugaðu að maki er sá sem þú ert í hjónabandi eða staðfestri samvist með - ekki í óvígðri sambúð. Ef þú átt ekki maka þá þýðir þessi tilnefning að barnið þitt eða börnin þín eru rétthafar. Ef hvorki maki né börn eru til staðar þá eru bæturnar greiddar til erfingja samkvæmt lögum (sjá neðar).
– Lögerfingjar: Ef þú velur þennan möguleika fær maki þinn 1/3 bótanna en börnin 2/3. Mundu að maki er ekki sá sem er í óvígðri sambúð.
– Skráning rétthafa á nafn: Hér getur þú valið rétthafa, einn eða fleiri. Þessi möguleiki getur hentað þeim sem eru í óvígðri sambúð.

Þú getur alltaf breytt tilnefningu rétthafa eftir að líftryggingin hefur tekið gildi. Það getur t.d. verið nauðsynlegt ef breytingar verða á fjölskylduhögum þínum.

Mögulegt er að tilnefna rétthafa með óafturkallanlegum hætti en afar sjaldgæft er að þörf sé á því. Aðeins er hægt að breyta slíkri tilnefningu seinna ef skráður rétthafi samþykkir breytinguna.

Hversu háar eru bæturnar?

Loka ítarefni

– Þú velur upphæð bótanna þegar þú sækir um trygginguna. Þegar upphæðin er valin er mikilvægt að taka mið af tekjum, skuldastöðu og fjölskylduhögum. Þeir sem reiða sig á þig fjárhagslega gætu þannig staðið við skuldbindingar þínar, s.s. greitt af húsnæðisláni, ef þú féllir frá.
– Mikilvægt er að yfirfara upphæðirnar reglulega, sérstaklega þegar breytingar verða á aðstæðum. Þetta á til dæmis við þegar barn fæðist eða þegar breytingar verða á hjúskapar- eða skuldastöðu.
– Þú getur slegið inn þínar forsendur í Ráðgjafa líf- og sjúkdómatrygginga hér neðar á síðunni og við leggjum til vátryggingafjárhæðir í samræmi við þær. Þú getur einnig rætt við ráðgjafa okkar í gegnum Netspjall eða í síma 440 2000.
– Bætur vegna barna eru 10% af vátryggingarfjárhæð líftryggingarinnar en þó að hámarki 2.000.000 kr. vegna hvers barns.

Hvað hefur áhrif á iðgjaldið?

Loka ítarefni

Iðgjald líftryggingar ræðst af þessum þáttum:

Aldri þess sem tryggður er – iðgjaldið hækkar árlega í takt við hækkandi aldur..
Líftryggingarfjárhæðinni, þ.e. þeirri fjárhæð sem greidd er út við andlát. Hún hækkar árlega miðað við breytingar á vísitölu neysluverðs og hefur það líka áhrif á iðgjaldið.
Reykingar og heilsufarssaga. Þeir sem reykja greiða hærra iðgjald en þeir sem reykja ekki. Þá getur heilsufarssaga fyrir töku tryggingarinnar líka haft áhrif á iðgjaldið.

Hvað er iðgjaldafrelsi?

Loka ítarefni

– Iðgjaldafrelsi er innifalið í Líftryggingunni okkar. Það virkar þannig að ef þú missir meira en helming starfsorku þinnar, getur þú sótt um að fá iðgjaldið lækkað eða fellt niður í allt að fimm ár án þess að tryggingin skerðist.
– Til að sækja um iðgjaldafrelsi þarf að fylla út tilkynningu um slys eða tilkynningu um veikindi. Nánari upplýsingar fást hjá ráðgjöfum Sjóvár og í skilmála líftryggingarinnar.

Hvenær er líftrygging greidd út?

Loka ítarefni

– Líftrygging er greidd út hvort sem dánarorsök er slys eða sjúkdómur. Líftryggingabætur eru greiddar út í einu lagi og eru skattfrjálsar.
– Tilkynna þarf andlát inn á sjova.is – hér. Tilkynnandi skráir sig inn með rafrænum skilríkjum og velur Fólk/Andlát að loknum upphafsskrefum. Upplýsingar og aðstoð við tilkynningu má fá í gegnum netspjall, í síma 440 2000 eða í næsta útibúi Sjóvá.
– Þegar andlátstilkynning hefur borist sér Sjóvá um að afla þeirra gagna sem þarf til að geta afgreitt líftryggingabætur. Reikna má með að gagnaöflun geti tekið 4 til 6 vikur.

Hvernig kaupi ég líftryggingu?

Það tekur bara 15 mínútur að sækja um líftryggingu á netinu. Þú getur hætt hvar sem er í umsóknarferlinu og komið aftur. Síðan klárar þú umsóknina með því að undirrita með rafrænum skilríkjum. Þú getur alltaf heyrt í okkur á netspjallinu ef þú hefur einhverjar spurningar.

Rafræn umsókn um líftryggingu

Skilmálar

Líftrygging D1 jafnaðar

Líftrygging L5-Núverandi

Upplýsingaskjal

Líftrygging - upplýsingaskjal.pdf

Hvar finn ég minn skilmála?

Viðskiptavinir sem nú þegar eru með líftryggingu í gildi geta nálgast skilmála tryggingarinnar á Mitt Sjóvá.

Opna Mitt Sjóvá

Hverjir fá bæturnar greiddar?

Hversu háar eru bæturnar?

Hvað hefur áhrif á iðgjaldið?

Hvað er iðgjaldafrelsi?

Hvenær er líftrygging greidd út?

Vinsælar leitir

Fá tilboð í tryggingar

Tilkynna tjón

Hafðu samband

Gagnvirkar leiðir til að hafa samband

Mitt Sjóvá