Húseigendatrygging - Sjóvá - Gerum tryggingar betri

Í húseigendatryggingu höfum við sett saman nokkrar tryggingar fyrir húsaeigendur sem vernda þá fyrir öllum algengustu tjónum sem verða á húsnæði.

Brunatrygging á húseign er þó ekki innifalin þar sem eiganda húseignar ber skylda til að kaupa hana sérstaklega.

Húseigendatrygging er nauðsynleg öllum eigendum húsnæðis en hún tryggir þá fyrir tjónum á því sem tilheyrir fasteigninni sjálfri, svo sem tjón á gólfefnum, gluggum og innréttingum.

Tryggingarfjárhæðin miðast við brunabótamat húseignarinnar eins og það er skráð hjá fasteignaskrá.

Hvað er innifalið í húseigendatryggingu?

Loka ítarefni

Tryggingin bætir

Loka ítarefni

Skemmdir sem eiga upptök sín innan veggja hússins og stafa af ófyrirsjáanlegum, skyndilegum og óvæntum leka úr vatnsleiðslum, hitakerfi eða frárennslislögnum.
Skemmdir sem verða vegna vatns sem flæðir úr hreinlætistækjum vegna mistaka eða skyndilegra bilana á þeim.
Tjón á rúðugleri, eftir að það var sett í.
Skemmdir vegna ofsaveðurs.

Upptalningin er ekki tæmandi, kynntu þér skilmála húseigendatryggingar. Eigin áhætta er mismunandi eftir tjónsatvikum, en upphæð eigin áhættu kemur fram í skírteininu þínu.

Tryggingin bætir ekki

Loka ítarefni

Skemmdir af völdum vatns sem þrýstist upp úr skolp- eða frárennslislögnum.
Skemmdir af völdum þess að lagnir geta ekki flutt allt það vatn sem er að berast.
Tjón á gleri í heimilistækjum, skrautgleri, glerlistaverkum eða gleri sem er utan veggja hússins.
Tjón af völdum sandfoks bætist ekki.