Við vitum hversu mikilvæg öryggismál eru og hve miklu máli það skiptir fyrir rekstur og ímynd fyrirtækja að koma í veg fyrir vinnuslys eða tjón á eignum. Samvinna er lykilatriði til að árangur náist í forvörnum og öryggismálum.
Það er hagur allra fyrirtækja að fækka tjónum og efla öryggi starfsfólks, sama í hvaða geira fyrirtækið starfar eða hversu umfangsmikil starfsemin er. Markviss áhersla á öryggismál leiðir ekki eingöngu af sér færri tjón eða lægri rekstrarkostnað. Slík vinna skilar sér líka í breyttu hugarfari starfsfólks gagnvart forvörnum og öryggismálum, áherslurnar verða hluti af fyrirtækjamenningunni og leiða til aukinnar starfsánægju.
Við leggjum mikla áherslu á að vinna með fyrirtækjum að forvörnum og öryggismálum og höfum sérhæft okkur í ráðgjöf, greiningu og lausnum til að fækka tjónum og slysum hjá fyrirtækjum. Það gerum við til dæmis með því að heimsækja fyrirtæki og greina tjóna- og slysahættur hjá þeim sérstaklega. Í framhaldinu er unnið að úrbótum og lausnum sem henta hverju sinni.
Við hjálpum fyrirtækjum sömuleiðis að koma upp kerfisbundinni skráningu á öllum slysum og óhöppum (næstum því slysum) til að hægt sé að greina gögnin og læra stöðugt af reynslunni. Við bjóðum fyrirtækjum einnig upp á fræðslu sem sniðin er að þörfum þeirra og sérfræðingar okkar eru boðnir og búnir að aðstoða þegar þörf krefur.
Forvarnavinna okkar er framkvæmd í nánu samstarfi við fyrirtæki og starfsfólk þeirra, enda mikilvægt að skilgreina raunhæf markmið um árangur og stefna markvisst að þeim. Þau þurfa einnig að vera í samræmi við gæðakröfur og öryggisstefnu fyrirtækja. Því er mikilvægt að unnið sé í samvinnu við lykilaðila innan fyrirtækisins. Samvinna er enda algjört lykilatriði til að hægt sé að ná sem bestum árangri forvörnum.
