Sjóvá opn­ar úti­bú á Höfn
Miðvikudaginn 12. febrúar opnum við útibú á Höfn í Hornafirði. Skrifstofan verður á 2. hæð í verslunarmiðstöðinni Miðbæ við Litlubrú 1 og verður opin mánudag til föstudag frá 11:00-16:00. Sjóvá hefur alltaf lagt sig fram við að veita framúrskarandi og aðgengilega þjónustu á landsbyggðinni. Við höfum áður haft þjónustu á Höfn í Hornafirði og erum full tilhlökkunar að halda áfram langri sögu Sjóvá á svæðinu.
Álags­próf EI­OPA - nið­ur­stöð­ur Sjóvá
Evr­ópsku vá­trygg­inga- og líf­eyr­is­sjóða­eft­ir­lits­stofn­un­in (EI­OPA) lagði fyr­ir 48 vá­trygg­inga­fé­lög í Evr­ópu álags­próf á ár­inu 2024. Sjóvá var eitt af þeim félögum sem val­ið var til að taka þátt í þessu prófi. Upp­lýs­ing­ar um álags­próf­ið má finna á heima­síðu EI­OPA. Nið­ur­stöð­ur álags­prófs­ins fyr­ir Sjóvá byggja á gögn­um og upp­lýs­ing­um sem send­ar voru á Seðla­banka Ís­lands Fjár­mála­eft­ir­lit sem áfram­sendu þau til EI­OPA í sam­ræmi við reglu­gerð Evr­ópu­sam­bands­ins (EU) nr. 1094/2010 í fram­hald­inu. Skoð­að­ar voru af­leið­ing­ar ým­issa nei­kvæðra sviðs­mynda á gjald­þol og lausa­fjár­stöðu fé­lag­anna sem tóku þátt. Sjá má nið­ur­stöð­ur Sjóvá
Breyt­ing­ar á gjald­skrá NTÍ
Alþingi samþykkti nýverið breytingu á lögum um Náttúruhamfaratryggingu Íslands (NTÍ) sem felur í sér heimild stofnunarinnar til þess að hækka iðgjöld tímabundið um 50%. 27. nóvember 2024, tilkynnti NTÍ um breytingar á iðgjöldum til stofnunarinnar, sem munu hækka úr 0,025% í 0,0375% af vátryggingafjárhæð frá og með 1. janúar 2025.
Hvers vegna greiða fyr­ir­tæki út arð?
Um arðgreiðslur gilda skýr lög. Eftirlitsskyld fjármálafyrirtæki, eins og t.d. tryggingafélög, mega aðeins greiða út arð samkvæmt samþykktum ársreikningi síðasta reikningsárs og ef það dregur ekki úr rekstrarhæfi félagsins. Þá má arðgreiðsla heldur ekki hafa áhrif á getu félagsins til að mæta áföllum í rekstri. Gögnum sem staðfesta að þessi skilyrði séu uppfellt er reglulega skilað inn til Fjármálaeftirlitsins.
Hvað eru end­ur­trygg­ing­ar?
Vátryggingar eru í eðli sínu áhættusamur rekstur, enda er hlutverk tryggingafélaga að bæta tjón viðskiptavina og erfitt að sjá fyrir hvenær tjón verður og þá hversu stór. Tryggingafélög reyna því eftir fremsta megni að draga úr sveiflum og áhættu í rekstri. Það er m.a. gert með því að kaupa svokallaðar endurtryggingar af stærri erlendum tryggingafélögum sem sérhæfa sig í að „tryggja tryggingafélög“.
Hvað er sam­sett hlut­fall trygg­inga­fé­laga?
Samsett hlutfall er leið til að sýna í fljótu bragði hvernig rekstur vátryggingahluta tryggingafélags gengur. Í mjög einföldu máli er þetta hlutfall iðgjalda annars vegar og útgjalda vegna vátrygginga hins vegar. Markmiðið er að á hverju ári standi iðgjöld undir tjónagreiðslum og öðrum kostnaði félagsins.
Sjóvá - Árs­hluta­upp­gjör vegna 1. árs­fjórð­ungs 2025

Helstu niðurstöður úr árshlutauppgjöri Sjóvá-Almennra trygginga hf. vegna fyrsta ársfjórðungs 2025: 

Fyrsti ársfjórðungur 2025 og horfur

  • Hagnaður af vátryggingasamningum fyrir skatta 821 m.kr. (1F 2024: 242 m.kr.)
  • Tap af fjárfestingastarfsemi fyrir skatta 1.126 m.kr. (1F 2024: 363 m.kr. hagnaður)
  • Tap tímabilsins 540 m.kr. (1F 2024: 421 m.kr. hagnaður)
  • Ávöxtun fjárfestingareigna í stýringu -1,0% (1F 2024: 1,2%)
  • Samsett hlutfall 90,2% (1F 2024: 97,0%)
  • Horfur fyrir árið 2025 eru óbreyttar og er afkoma af vátryggingasamningum fyrir árið 2025 og til næstu 12 mánaða áætluð 1.700 – 2.400 m.kr. og samsett hlutfall 93-95%

Hermann Björnsson, forstjóri:
Af­koma Sjóvár á fyrsta árs­fjórð­ungi var nei­kvæð um 540 m.kr. og lit­að­ist af erf­iðu ár­ferði á verð­bréfa­mörk­uð­um en afar góðri af­komu af vá­trygg­inga­starf­sem­inni. Tap af fjár­fest­inga­starf­semi fyr­ir skatta nam 1.126 m.kr. og af­koma af vá­trygg­inga­samn­ing­um fyr­ir skatta var 821 m.kr. Þá var sam­sett hlut­fall 90,2% á fjórð­ungn­um.

Frá­bær af­koma af vá­trygg­inga­samn­ing­um, 821 m.kr. fyr­ir skatta sem er með betri fyrstu árs­fjórð­ung­um sem við höf­um skil­að. Tekju­vöxt­ur nam 3,6%, drif­inn áfram af vexti á ein­stak­lings­mark­aði. Tíð­ar­far var nokk­uð hag­fellt og tjóna­þró­un und­ir áætl­un­um á fyrsta árs­fjórð­ungi og mun­ar þar mest um já­kvæða þró­un í eigna­trygg­ing­um á milli ára en ekk­ert stór­tjón henti á fjórð­ungn­um.

Í breyttu um­hverfi á vá­trygg­inga­mark­aði mun­um við áfram ein­beita okk­ar að þeim áhersl­um sem mark­að hafa sterka stöðu okk­ar. Við leggj­um áherslu á arð­bær­an og ábyrg­an vá­trygg­ing­a­rekst­ur þar sem sam­skipti við við­skipta­menn byggja á þekk­ingu og gagn­kvæmri virð­ingu. Staða okk­ar hef­ur hald­ist mjög sterk eins og nýj­ar kann­an­ir sem Pró­sent fram­kvæmdi í vik­unni sýna, þar sem m.a. er spurt: „Ef þú vær­ir að skipta um trygg­inga­fé­laga hvaða fé­lag yrði fyr­ir val­inu“. Líkt og und­an­far­in ár er nið­ur­stað­an sú að Sjóvá er efst allra trygg­ing­ar­fé­laga og mjög mik­ill mun­ur er á okk­ur og öðr­um trygg­inga­fé­lög­um. Þessi nið­ur­staða sýn­ir sterka ímynd okk­ar gagn­vart við­skipta­vin­um annarra trygg­inga­fé­laga sem gef­ur okk­ur byr sem eina sjálf­stæða trygg­inga­fé­lag­ið á vá­trygg­inga­mark­aði.

Tap af fjár­fest­ing­um fyr­ir fjár­magnsliði og skatta var 704 m.kr. og ávöxt­un eigna í stýr­ingu -1,0% sem er langt und­ir vænt­ing­um. Gríð­ar­leg­ar sveifl­ur hafa ver­ið á verð­bréfa­mörk­uð­um um heim all­an það sem af er ári og fóru inn­lend­ir verð­bréfa­mark­að­ir ekki var­hluta af þeirri þró­un. All­ir eigna­flokk­ar skil­uðu já­kvæðri ávöxt­un á fjórð­ungn­um fyr­ir utan skráð hluta­bréf þar sem ávöxt­un var nei­kvæð um 9,0%. Þá var ávöxt­un rík­is­skulda­bréfa 1,9%, annarra skulda­bréfa 2,0% og safns­ins alls -1,0%.

Horf­ur okk­ar eru óbreytt­ar og er af­koma af vá­trygg­inga­starf­semi fyr­ir skatta árið 2025 og til næstu 12 mán­aða áætl­uð á bil­inu 1.700 – 2.400 m.kr. og sam­sett hlut­fall 93 - 95%. Leiða má lík­um að því að nei­kvæð áhrif áfall­inna vaxta verði meiri en horf­ur gerðu ráð fyr­ir, um 1.500 m.kr. á ár­inu, þar sem vext­ir hafa lækk­að frá ára­mót­um. Ekki verða birt­ar horf­ur fyr­ir af­komu af fjár­fest­inga­starf­semi en áætlan­ir fé­lags­ins gera ráð fyr­ir að ávöxt­un fjár­fest­inga­eigna í stýr­ingu nemi 8,5% á ári til lengri tíma mið­að við nú­ver­andi vaxta­stig og fjár­fest­inga­stefnu. Ekki verð­ur upp­lýst um frá­vik frá af­komu af fjár­fest­inga­starf­semi nema þær verði rakt­ar til veru­legra breyt­inga á óskráð­um eign­um eða á eigna­safni.

Við gerð áætl­un­ar er stuðst við ýmis op­in­ber gögn, t.d. spár um þró­un vísi­talna, hag­vöxt og áætl­að­an ferða­manna­fjölda. Þá er lit­ið til tjóna­þró­un­ar und­an­far­inna ára auk þess sem áætl­að er fyr­ir tveim­ur til þrem­ur stór­tjón­um á ár­inu.

Kynningarfundur 15. maí kl. 16:15

Mark­aðs­að­il­um og fjár­fest­um er boð­ið á kynn­ing­ar­fund í fund­ar­sal fé­lags­ins í Kringl­unni 5, 6. hæð þann 15. maí kl. 16:15. Þar munu Her­mann Björns­son for­stjóri, Sig­ríð­ur Vala Hall­dórs­dótt­ir fram­kvæmda­stjóri fjár­mála og upp­lýs­inga­tækni og Þórð­ur Páls­son for­stöðu­mað­ur fjár­fest­inga kynna upp­gjör­ið og fara yfir af­komu fé­lags­ins. Kynn­ing­unni verð­ur jafn­framt streymt á slóð­inni sjova.is/af­komukynn­ing. Vilji að­il­ar bera upp spurn­ing­ar má senda þær á net­fang­ið fjar­fest­ar@sjova.is fyr­ir fund­inn eða á með­an á fundi stend­ur og verð­ur þeim svar­að í lok kynn­ing­ar­inn­ar.

Upp­gjörs­efni verð­ur að­gengi­legt á vef Sjóvár sjova.is/fjar­fest­ar frá þeim tíma er kynn­ing­in hefst og verð­ur upp­taka af fund­in­um að­gengi­leg á sömu síðu að fundi lokn­um.

Fjárhagsdagatal
2. árs­fjórð­ung­ur 2025…………………………….   17. júlí 2025
3. árs­fjórð­ung­ur 2025…………………………….   30. október 2025
Árs­upp­gjör 2025…………………………………….   12. febrúar 2026
Að­al­fund­ur 2026…………………………………….   12. mars 2026

Nánari upplýsingar
Með­fylgj­andi er frétta­til­kynn­ing, sam­an­dreg­inn árs­hluta­reikn­ing­ur sam­stæð­unn­ar og fjár­festa­kynn­ing Sjóvá-Al­mennra trygg­inga hf. vegna fyrsta árs­fjórð­ungs 2025.

Nán­ari upp­lýs­ing­ar veit­ir Dav­íð Scheving Thor­steins­son í síma 869-8109 eða fjar­fest­ar@sjova.is.


Viðhengi


Sjóvá: Upp­gjör fyrsta árs­fjórð­ungs 2025 verð­ur birt 15. maí – kynn­ing­ar­fund­ur sama dag kl. 16:15

Sjóvá-Al­menn­ar trygg­ing­ar hf. birt­ir upp­gjör fyrsta árs­fjórð­ungs 2025 eft­ir lok­un mark­aða fimmtu­dag­inn 15. maí nk.

Kynningarfundur í fundarsal félagsins í Kringlunni 5 og í vefstreymi

Mark­aðs­að­il­um og fjár­fest­um er boð­ið á kynn­ing­ar­fund í fund­ar­sal fé­lags­ins í Kringl­unni 5, 6. hæð þann 15. maí nk. kl. 16:15. Þar munu Her­mann Björns­son for­stjóri, Sig­ríð­ur Vala Hall­dórs­dótt­ir fram­kvæmda­stjóri fjár­mála og upp­lýs­inga­tækni og Þórð­ur Páls­son for­stöðu­mað­ur fjár­fest­inga kynna upp­gjör­ið. Kynn­ing­unni verð­ur jafn­framt streymt á slóð­inni htt­ps://www.sjova.is/af­komukynn­ing.

Vilji að­il­ar bera upp spurn­ing­ar má senda þær á net­fang­ið fjar­fest­ar@sjova.is fyr­ir fund­inn eða á með­an á fundi stend­ur og verð­ur þeim svar­að í lok kynn­ing­ar­inn­ar.

Upp­gjörs­efni verð­ur að­gengi­legt á vef Sjóvár www.sjova.is/fjar­fest­ar frá þeim tíma er kynn­ing­in hefst og verð­ur upp­taka af fund­in­um að­gengi­leg á sömu síðu að fundi lokn­um.

Nán­ari upp­lýs­ing­ar veit­ir Dav­íð Scheving Thor­steins­son, í síma 869-8109 eða á net­fang­ið fjar­fest­ar@sjova.is


Sjóvá: Skýrsla um gjald­þol og fjár­hags­lega stöðu 2024 (SFCR)

Sjóvá-Al­menn­ar trygg­ing­ar hf. hef­ur gef­ið út skýrslu um gjald­þol og fjár­hags­lega stöðu fyr­ir árið 2024. Skýrsl­an er gef­in út í sam­ræmi við kröf­ur laga um vá­trygg­inga­starf­semi nr. 100/2016.

Skýrsl­unni er m.a. ætl­að að veita al­menn­ingi og mark­aðs­að­il­um upp­lýs­ing­ar um fjár­hags­leg­an styrk, áhættu, eign­ir og skuld­ir fé­lags­ins og talna­upp­lýs­ing­ar.

Skýrsl­an er með­fylgj­andi og má einnig finna á eft­ir­far­andi síðu: htt­ps://www.sjova.is/sjova/upp­lys­inga­gjof/fjar­fest­ar/yf­ir­lit-fjar­festa­upp­lys­inga

Viðhengi


Sjóvá: Upp­fært fjár­hags­da­ga­tal 2025

Sjóvá-Al­menn­ar trygg­ing­ar hf. stefn­ir að birt­ingu árs­hluta- og árs­upp­gjöra á neð­an­greind­um dag­setn­ing­um:

  • 1. fjórðungur 2025                          15. maí 2025
  • 2. fjórðungur 2025                          17. júlí 2025
  • 3. fjórðungur 2025                          30. október 2025
  • Ársuppgjör 2025                             12. febrúar 2026

Að­al­fund­ur verð­ur hald­inn á neð­an­greindri dag­setn­ingu:

  • Aðalfundur 2026                            12. mars 2026


Dag­setn­ing­arn­ar eru birt­ar með fyr­ir­vara um breyt­ing­ar.

Nán­ari upp­lýs­ing­ar veit­ir Dav­íð Scheving Thor­steins­son í síma 869-8109 eða fjar­fest­ar@sjova.is.


Sjóvá: Nið­ur­stöð­ur að­al­fund­ar 13. mars 2025

Að­al­fund­ur Sjóvá-Al­mennra trygg­inga hf. fór fram í dag, fimmtu­dag­inn 13. mars 2024. Í við­hengi er að finna helstu nið­ur­stöð­ur frá að­al­fund­in­um.

Kos­ið var í stjórn fé­lags­ins fyr­ir næsta starfs­ár. Stjórn hef­ur skipt með sér verk­um. Formað­ur stjórn­ar er Björgólf­ur Jó­hanns­son og Hild­ur Árna­dótt­ir vara­formað­ur.

Í stjórn fé­lags­ins voru kjör­in:
Björgólf­ur Jó­hanns­son                
Guð­mund­ur Örn Gunn­ars­son        
Hild­ur Árna­dótt­ir                        
Ingi Jó­hann Guð­munds­son                
Ing­unn Agnes Kro                        

Eft­ir­tal­in voru kjör­in sem vara­menn í stjórn:
Erna Gísla­dótt­ir                         
Garð­ar Gísla­son               

Nán­ari upp­lýs­ing­ar veit­ir Dav­íð Scheving Thor­steins­son í síma 869-8109 eða fjar­fest­ar@sjova.is.

Viðhengi


Sjóvá: Árs- og sjálf­bærni­skýrsla 2024 er kom­in út

Árs- og sjálf­bærni­skýrsla Sjóvá-Al­menn­ar trygg­ing­ar hf. fyr­ir árið 2024 hef­ur ver­ið birt í tengsl­um við árs­upp­gjör fé­lags­ins.

Árs- og sjálf­bærni­skýrsl­an er á ra­f­rænu formi og hægt að nálg­ast hana á eft­ir­far­andi vef­svæði htt­ps://ars­skyrsla.sjova.is/

Nán­ari upp­lýs­ing­ar veit­ir Dav­íð Scheving Thor­steins­son í síma 869-8109 eða fjar­fest­ar@sjova.is.


Ör­yggi fyr­ir börn­in
Barnavöruverslunin Fífa býður viðskiptavinum okkar í Stofni 20% afslátt af barnabílstólum í verslun sinni í Faxafeni 8. Viðskiptavinir í Stofni fá einnig 15% afslátt af öryggisvörum fyrir börn frá vörumerkinu Clippasafe.
Af­þrey­ing, farsím­ar og fylgi­hlut­ir
Vodafone býður viðskiptavinum í Stofni frábær tilboð á spennandi afþreyingarpökkum ásamt afslætti af símum aukahlutum og hlífum. 50% afsláttur í 6 mánuði af völdum afþreyingarpökkum, Stöð 2+ eða Sport í 1 mánuð til reynslu. 20% af hulstrum, 10% af aukahlutum, 5% af símtækjum.
Opið hús hjá Sjóvá Eg­ils­stöð­um
Föstudaginn 8. júní kl. 10:00 - 14:00 verður opið hús í útibúi okkar á Egilsstöðum. Viðskiptavinir eru boðnir sérstaklega velkomnir þá að þiggja veitingar og glaðning. Við minnum á að það er líka alltaf heitt á könnunni hjá okkur á opnunartíma útibúsins, frá kl. 9:00 - 16:00 alla virka daga.
Hjól­að í hóp
Fimmtudaginn 31. maí kl. 18:00-20:00 verður haldið hjólreiðanámskeið fyrir þá sem vilja læra að hjóla í hóp. Á námskeiðinu verður meðal annars farið yfir hvernig bendingar og ýmis önnur samskipti eru notuð þegar margir hjóla saman. Námskeiðið getur til dæmis nýst þeim vel sem ætla að taka þátt í hjólreiðakeppni í sumar.
Horft fram á veg­inn
Miðvikudaginn 23. maí 2018 klukkan 8:30-9:45 höldum við morgunfund um öryggi og forvarnir hjá bílaleigum. Á fundinum verður farið yfir hvað bílaleigur eru að gera í öryggismálum og hverju þarf að huga betur að í forvarnastarfinu.
Trygg­ing­ar og ör­yggi hjól­reiða­fólks
Hjólreiðar verða sífellt vinsælli hér á landi, eins og við sjáum bæði úti í umferðinni og eins á þeim mikla fjölda sem tekur þátt í hjólreiðakeppnum um allt land. Það er því mikilvægt að þeir sem stunda hjólreiðar kynni sér vel hvernig þeir geta tryggt sig og eins hvað þeir geta gert til að tryggja öryggi sitt og annarra í keppnum.
Morg­un­fund­ur um trygg­ing­ar og ör­yggi hjól­reiða­fólks
Fimmtudaginn 3. maí kl. 8:30-9:40 heldur Sjóvá morgunfund um tryggingar og öryggi hjólreiðafólks. Á fundinum verður farið yfir hvernig hjólreiðafólk tryggir sig og búnað sinn og að hverju þarf að huga þegar tekið er þátt í hjólreiðakeppnum. Fundurinn fer fram í húsnæði Sjóvár, Kringlunni 5 og eru allir velkomnir.