Tryggingar geta virkað flóknar við fyrstu sýn og því er lykilatriði að tala um þær á mannamáli. Sjóvá spjallið er hlaðvarp þar sem við ræðum um tryggingar og forvarnir þannig að fólk geti verið betur upplýst um hvernig tryggingar henta þeirra þörfum.
Hestamennska er vinsæl íþrótt og tómstundaiðja á Íslandi auk þess að vera marglaga atvinnugrein. En að mörgu er að huga þegar kemur að öryggi knapa og forvörnum í hestamennsku. Hrefna Sigurjónsdóttir, verkefnastjóri forvarna, spjallar við Tinnu Dögg Kjartansdóttur, hestakonu og eiganda netverslunarinnar Brokk.is sem selur hágæða öryggisvesti með innbyggðum loftpúðum.
Sjóbjörgun er stór þáttur í starfsemi Slysavarnafélagsins Landsbjargar og nýtt björgunarskip er nú komið til Vestmannaeyja. Skipið mun stórefla öryggi sjófarenda auk þess að auka öryggi afskekktari byggða. Til stendur að endurnýja öll 13 björgunarskip Landsbjargar. Örn Smárason, verkefnastjóri sjóbjörgunar hjá Landsbjörg, spjallar við Hrefnu Sigurjónsdóttur, verkefnastjóra forvarna, um eitt stærsta fjárfestingaverkefni Slysavarnafélagsins Landsbjargar til þessa.
Stjórn fyrirtækis þarf að móta skýra stefnu til að ná skilgreindum markmiðum og hana þarf að endurmeta reglulega. Samtakamáttur er lykilatriði og finna þarf jafnvægi í rekstri og ánægju viðskiptavina. Svali Hrannar Björgvinsson, framkvæmdastjóri markaðsmála- og viðskiptaþróunar hjá Sjóvá, spjallar við Hrefnu Sigurjónsdóttur, verkefnastjóra forvarna, um stjórnun og stefnumótun.
Umferðin er samvinnuverkefni sem krefst þess að allir leggi sitt af mörkum til að hún gangi að óskum. Umferðaröryggi er málefni sem krefst stöðugrar athygli og endurmats enda er um að ræða mikið hagsmunamál fyrir samfélagið. Gunnar Geir Gunnarsson, deildarstjóri öryggis- og fræðsludeildar Samgöngustofu, ræðir aksturshegðun Íslendinga við Hrefnu Sigurjónsdóttur, verkefnastjóra forvarna.
Öll fyrirtæki þurfa að tryggja sig fyrir ófyrirséðum atburðum og hafa ríkar skyldur gagnvart starfsfólki. Stofnun fyrirtækis fylgir nokkur áhætta og alltaf ábyrgð. Auk samningsbundinna skyldutrygginga standa til boða ýmsar frjálsar tryggingar sem atvinnurekandi ákveður sjálfur að taka. Hrefna Sigurjónsdóttir, verkefnastjóri forvarna, spjallar við Dagnýju Ýr Kristjánsdóttur, viðskiptastjóra hjá fyrirtækjaráðgjöf Sjóvár, um hvernig best er að tryggja fyrirtæki.
Verð ökutækjatrygginga er reglulega til umræðu enda um stóran útgjaldalið heimilanna að ræða. Hrefna Sigurjónsdóttir, verkefnastjóri forvarna, ræðir við Guðmund Sigurðsson, prófessor við lagadeild Háskólans í Reykjavík, um ökutækjatryggingar og verðlag þeirra á Íslandi.
Sjóvá leggur áherslu á að veita góða þjónustu um land allt og hefur á að skipa 22 útibúum og þjónustuskrifstofum víðs vegar um landið. En hvers vegna er mikilvægt fyrir fyrirtæki eins og Sjóvá að þjónusta fólk í heimabyggð? Hrefna Sigurjónsdóttir, verkefnastjóri forvarna, spjallar við Arnar Jón Óskarsson, útibússtjóra á Egilsstöðum um tryggingar, landið og miðin.
>
Mikilvægt er að fækka slysum í umferðinni og að vera vel tryggður ef eitthvað kemur upp á. Hvernig undirbúum við nýja ökumenn fyrir umferðina? Hverjar eru helstu áskoranirnar þegar kemur að umferðaröryggi? Hver er munurinn á lögboðinni ökutækjatryggingu og kaskótryggingu? Þetta og margt fleira hér í spjalli Hrefnu Sigurjónsdóttur, verkefnastjóra forvarna, við Jón Hannes Kristjánsson, sérfræðing í ökutækjatjónum og ökukennara.
Sjóvá Kvennahlaup ÍSÍ er árviss viðburður hjá mörgum konum og fjölskyldum þeirra. Hlaupið hefur verið haldið í yfir þrjá áratugi en áherslan í dag er ekki hvað síst á samstöðu kvenna og að hver og ein njóti þess að hreyfa sig á sínum forsendum. Hrönn Guðmundsdóttir, sviðsstjóri Almenningsíþróttasviðs Íþrótta og ólympíusambands Íslands, spjallar um Kvennahlaupið við Hrefnu Sigurjónsdóttur, verkefnastjóra forvarna.
Hvað hugsar þú um þegar minnst er á tryggingar? Tryggingar endurspegla lífið sjálft og er ætlað að grípa fólk á ögurstundu. Oft er reynt er að kjarna þessa hugsun með einföldum skilaboðum og þá er mikilvægt er að tala skýrt og af ábyrgð. Hrefna Sigurjónsdóttir, verkefnastjóri forvarna, spjallar við Daníel Ólafsson, sérfræðing í markaðsdeild Sjóvá, um hvernig ræða má tryggingar á mannamáli auk þess að fá innsýn í fjölbreyttan heim markaðsfræðanna.
Fjölbreyttir fararmátar standa nú fólki til boða. Horft er til vistvænni og hagkvæmari fararmáta og rafbílar hafa rutt sér til rúms hér á landi. Þeir henta íslenskum aðstæðum vel og eru þjóðhagslega hagkvæmir. Því ætti ekki að koma á óvart að sífellt fleiri kjósi að fá sér rafbíl. En það er að ýmsu að huga til að tryggja öryggi og rétta umgengni. Hrefna Sigurjónsdóttir, verkefnastjóri forvarna, spjallar um rafbíla við Hjalta Þór Guðmundsson, forstöðumann ökutækjatjóna.
Mikið hefur mætt á sjálfboðaliðum Slysavarnafélagsins Landsbjargar undanfarið við eftirlit á gosstöðvum. Við treystum á björgunarsveitirnar og slysavarnadeildirnar þegar á reynir og Sjóvá er stoltur aðalstyrktaraðili Landsbjargar. En hvernig varð þetta öryggisnet til og hvernig er því viðhaldið? Hrefna Sigurjónsdóttir, verkefnastjóri forvarna, ræðir við Jónas Guðmundsson, verkefnastjóra slysavarna hjá Slysavarnafélaginu Landsbjörg.
Við erum alla ævi að sanka að okkur ýmsum hlutum. Innbúið breytist og þróast og áður en við vitum af eigum við býsna mikið af verðmætum. Því er vert að velta fyrir sér hvað við í raun eigum og hvers virði það er. Jónína Jónsdóttir, sölu- og þjónusturáðgjafi hjá Sjóvá, spjallar um innbústryggingar við Hrefnu Sigurjónsdóttur, verkefnastjóra forvarna.
Lífið er ferðalag og stundum tekur það óvænta stefnu. Veikindi og slys gera sjaldnast boð á undan sér og þá er mikilvægt að vera búin að tryggja sig fyrir mögulegum áföllum. Ágústa Kristín Andersen, sérfræðingur í persónutryggingum, spjallar við Hrefnu Sigurjónsdóttur, verkefnastjóra forvarna, um líf- og sjúkdómatryggingar.
Umhverfismál eru mörgum ofarlega í huga þessi misserin og fyrirtæki gegna þar stóru hlutverki. Mikilvægt er að þau setji sér umhverfisstefnu og ekki síður að þau fylgi henni eftir. Pálín Dögg Helgadóttir, verkefnastjóri á skrifstofu forstjóra Sjóvár, spjallaði við Hrefnu Sigurjónsdóttur, verkefnastjóra forvarna um hvernig Sjóvá hefur unnið að sinni umhverfisstefnu og af hverju mikilvægt er að fyrirtæki stígi þetta skref.
Herdís Storgaard var gestur í hlaðvarpinu Sjóvá spjallið en þar ræddi Hrefna Sigujónsdóttir, verkefnastjóri forvarna, við hana um slysavarnir barna og störf hennar í gegnum tíðina.
Gæludýr eiga sérstakan stað í hjarta okkar og eru oft og tíðum skemmtilegir persónuleikar sem setja mark sitt á heimilislífið. Stundum lenda dýrin í óhöppum eða veikjast. Erfitt er að standa frammi fyrir þeirri ákvörðun að kostnaður geti haft áhrif eða jafnvel staðið í vegi fyrir að dýr fái viðeigandi aðstoð og meðhöndlun. Þá skiptir máli að vera vel tryggður. Í þessum þætti spjallar Hrefna Sigurjónsdóttir, verkefnastjóri forvarna, við Lindu Maríu Vilhjálmsdóttur, sölu- og þjónusturáðgjafa, um gæludýratryggingar.
Rafhlaupahjól hafa á skömmum tíma náð miklum vinsældum hér á landi líkt og annars staðar í heiminum. Í þessum þætti spjallar Hrefna Sigurjónsdóttir, verkefnastjóri forvarna, við Kamilu Dabrowska, sölu- og þjónusturáðgjafa, um rafhlaupahjól og hvað þarf að hafa í huga þegar við þeysumst á þeim um stíga og stræti. Hvernig eru reglurnar og er hægt að tryggja sig fyrir óhöppum?
Sjóvá og Netökuskólinn hafa búið til tvö öpp sem nýtast vel við undirbúning bílprófsins. Bílprófsappið samanstendur af verkefnum sem sett eru upp alveg eins og bílprófið sjálft og niðurstöðurnar líka. Í appinu Umferðarmerkin er hægt að kynna sér öll umferðarmerkin á einum stað og einfalt er að æfa sig í símanum hvar sem er hvenær sem er. Valgerður Eyja Eyþórsdóttir, framhaldsskólanemi, spjallar hér við Hrefnu Sigurjónsdóttur, verkefnastjóra forvarna, um hvernig öppin nýttust henni við ökunámið.
Eflaust eru margir farnir að huga að sumarfríinu og mögulegum ferðalögum, eftir því sem reglur munu leyfa. Í þessum þætti spjallar Hrefna Sigurjónsdóttir, verkefnastjóri forvarna, við Eyþór Sverrisson, sölu- og þjónusturáðgjafa, um hvað þarf að hafa í huga fyrir ferðalög á tímum farsóttar og hvernig við erum tryggð á ferðalögum.
Skíðaíþróttin nýtur sífellt meiri vinsælda en það er að ýmsu að huga til að upplifunin verði ánægjuleg og allir komi heilir heim. Í þessum þætti spjallar Hrefna Sigurjónsdóttir, verkefnastjóri forvarna, við Alex Daða Reynisson, sölu- og þjónusturáðgjafa hjá Sjóvá og skíðakappa um hvernig þarf að undirbúa sig áður en haldið er af stað og hvernig við tryggjum okkur í frístundum.
