Sjóvá hefur lengi lagt sitt af mörkum til að stuðla að sjálfbærni og vernd umhverfisins, auk þess sem við höfum lengi unnið að margvíslegum samfélagslegum verkefnum. Þetta er hins vegar í fyrsta skipti sem við gefum út sérstaka skýrslu um sjálfbærni og samfélagsábyrgð. Það er okkur því mikil ánægja að gefa út þessa fyrstu samfélagsskýrslu þar sem sjálfbærni og samfélagsábyrgð eru í forgrunni.
Sjálfbærni er málaflokkur sem varðar tryggingafélög að miklu leyti. Loftslagsbreytingar og náttúruhamfarir af þeirra völdum hafa til að mynda bein áhrif á starfsemina. Af þeim sökum framkvæmum við hjá Sjóvá mat á loftslagsáhættu og skoðum afleiðingar breytinga á veðurfari og áhættur vegna gróðurelda, skriðufalla og flóða.
Við hjá Sjóvá leggjum metnað okkar í að starfa í sátt við samfélag og umhverfi. Birting UFS mælikvarða og árangurs á sviðum sjálfbærni og samfélagslegrar ábyrgðar er liður í að auka upplýsingagjöf og gagnsæi í rekstrinum á sviði umhverfismála, félagsþátta og stjórnarhátta.
Það er ekki bara þægilegra fyrir viðskiptavininn að geta undirritað pappíra rafrænt – það er líka umhverfisvænt. Við höfum lengi boðið viðskiptavinum okkar upp á rafrænar undirskriftir í gegnum Signet og Taktikal.
Hér sést hvað viðskiptavinir okkar hafa sparað marga kílómetra og bílferðir frá því við tókum upp rafrænar undirskriftir með Taktikal í mars 2020.
Hér að ofan höfum við farið yfir nokkur atriði sem er að finna í samfélagsskýrslu okkar. Hægt er að nálgast skýrsluna í heild sinni hér fyrir neðan.
